JaloliddinMasharipov#7

Jaloliddin Qadomboy o‘g‘li Masharipov 1993-yil 1-sentabrda Urganchda tug‘ilgan. Futbolchi sifatida yarim himoya va hujum chizig‘ida o‘ynaydi. Hozirda Eronning «Esteghlol» klubi va O‘zbekiston milliy terma jamoasi sharafini himoya qiladi. Bo‘yi 178 sm, klub safida 7-raqamni kiyadi.

Masharipov Toshkentning «Paxtakor» klubi tarbiyalanuvchisi. 2013—2020-yillarda «Paxtakor»da to‘p surgan, shu bilan birga 2017-yilda Toshkentning «Lokomotiv» jamoasiga ijaraga berilgan. 2021—2023-yillarda Saudiya Arabistonining «An-Nasr» klubida o‘ynagan, 2021-yilda BAAning «Shabab Al-Ahli» jamoasiga ijaraga yuborilgan. 2023—2024-yillarda Gretsiyaning «Panserraikos» klubida, 2023-yildan buyon Eronning «Esteghlol» klubida o‘ynaydi.

Milliy terma jamoada 2016-yildan beri maydonga tushadi. 2013-yilda O‘zbekistonning 20 yoshgacha, 2016—2018-yillarda 23 yoshgacha bo‘lgan terma jamoalarida o‘ynagan. Kattalar terma jamoasi safida 74 o‘yin o‘tkazib, 12 gol urgan. 2019 va 2023-yilgi Osiyo Kubogi turnirlarida qatnashgan. 2023-yilda FAFA Millatlar Kubogida kumush medalni qo‘lga kiritgan.

Yutuqlari: 2014, 2017 va 2019-yillarda O‘zbekiston chempioni, 2019-yilda O‘zbekiston Kubogi sohibi, 2018-yilda Kubok finalchisi. 2020-yilda O‘zbekistonda yilning eng yaxshi futbolchisi deb topilgan. 2025-yil 6-iyunda «O‘zbekiston iftixori» davlat mukofoti bilan taqdirlangan.